Greifinn hóf núverandi starfsemi sína þann 12. ágúst 1990. Þá var reksturinn aðeins í helming
núverandi húsnæðis sem Greifinn hafði á leigu. Fljótlega eftir opnun náði staðurinn góðri fótfestu á
veitingamarkaðnum hér í bæ. Með vaxandi umsvifum varð þörf á stærra húsnæði. Því var opnaður,
í lok nóvember 1991, veislusalurinn Stássið. Jafnhliða því var eldhúsið stækkað. Sumarið 1992 bryddaði Greifinn upp
á þeirri nýung að bjóða upp á grillþjónustu sem
íbúar Akureyrar og nágrennis tóku opnum örmum. Einnig hefur verið starfrækt veisluþjónusta og eru þessir þættir sívaxandi í rekstri fyrirtækisins. Árið 1995 voru fest kaup á
allri jarðhæðinni að Glerárgötu 20 og við það fékk reksturinn nær tvöfalt meira pláss. Síðan hafa verið
stöðugar endurbætur á húsnæði og innréttingum síðast var byggt við forstofu og afgreiðsla stækkuð veturinn 2001-2002.
Sumarið 2008 var svo opnaður nýr funda- og veislusalur á efrihæð Greifans og opnaði þar með möguleikan á því að taka inn
stærri hópa, veislur og fundi.
Flýtilyklar
Saga
Leita
