Veitingahúsið Greifinn gefur sig út fyrir að vera veitingastaður fyrir alla fjölskylduna. Á Greifanum er boðið upp á sérstakan barnamatseðil og allir krakkar sem eru duglegir að borða matinn sinn fá íspinna. Auk þess fá börnin
litabók sem þau geta tekið með sér heim. Eftir matinn er barnahornið afar vinsælt þar sem krakkarnir geta leikið sér, horft á
barnamyndbönd eða farið í tölvuleik. Á meðan geta foreldrarnir klárað matinn sinn og/eða drukkið kaffi í ró og næði.
Greifinn er líka tilvalinn staður fyrir barnaafmæli.




